அமெரிக்க அதிபர் டொனால்ட் டிரம்ப், ரஷ்யா மீது விதிக்கப்பட்டிருந்த பல்வேறு பொருளாதாரத் தடைகளை தற்காலிகமாக நிறுத்தி வைப்பதாக அதிரடி உத்தரவிட்டுள்ளார். குறிப்பாக, ரஷ்யாவுடன் வணிகத் தொடர்பு வைத்துள்ள நாடுகள் மீது 100 சதவீதம் வரை கூடுதல் வரி விதிக்க வகை செய்யும் கடுமையான சட்ட விதிகளைத் தளர்த்த அவர் தனது சிறப்பு அதிபர் அதிகாரத்தைப் பயன்படுத்தியுள்ளார்.
டிரம்ப்பின் இந்த அதிரடி முடிவால் இந்தியா பெரும் நிம்மதியடைந்துள்ளது. அமெரிக்காவின் பொருளாதாரத் தடைகள் காரணமாக ரஷ்யாவுடனான கச்சா எண்ணெய் இறக்குமதி மற்றும் வர்த்தக உறவுகளில் பாதிப்பு ஏற்படுமோ என்ற கவலை இந்திய அரசுக்கு இருந்து வந்தது. தற்போது இந்தத் தடைகள் இடைநிறுத்தப்பட்டுள்ளதால், இந்தியா தொடர்ந்து ரஷ்யாவிடமிருந்து குறைந்த விலையில் கச்சா எண்ணெய் மற்றும் அத்தியாவசியப் பொருட்களைத் தடையின்றி பெற வழிவகை செய்யப்பட்டுள்ளது.
சர்வதேச சந்தையில் ஏற்பட்டுள்ள இந்த பூகோள அரசியல் மாற்றம், இந்தியப் பொருளாதாரத்திற்கு மிகப்பெரிய சாதகமான சூழலை உருவாக்கியுள்ளது. இந்தியாவின் எரிசக்தி பாதுகாப்புக்கும், வர்த்தக ஸ்திரத்தன்மைக்கும் அமெரிக்க அதிபரின் இந்த முடிவு பெரும் பக்கபலமாக அமையும் என்று பொருளாதார வல்லுநர்கள் கருத்து தெரிவித்துள்ளனர்.