விழுப்புரம் மாவட்டம் செஞ்சி அருகே சிறுமி ஒருவர் மாயமாகி 15 நாட்களுக்கு மேலாகியும் இதுவரை கண்டுபிடிக்கப்படாத சம்பவம் அப்பகுதியில் பெரும் அதிர்ச்சியையும் சோகத்தையும் ஏற்படுத்தியுள்ளது. நாட்கள் பல கடந்தும் சிறுமி குறித்த எந்தவொரு தகவலும் கிடைக்காததால், அவரது பெற்றோர் மற்றும் உறவினர்கள் ஆழ்ந்த சோகத்தில் தவித்து வருகின்றனர்.
சிறுமி மாயமான நிலையில், அவரது பிறந்தநாள் வந்ததால் அவர் விரைவில் மீட்கப்பட வேண்டும் என்ற பிரார்த்தனையுடன் பெற்றோர் கண்ணீருடன் கேக் வெட்டி பிறந்தநாளைக் கொண்டாடிய சம்பவம் அனைவரையும் நெகிழ வைத்துள்ளது. இந்த விவகாரம் தொடர்பாக காவல் துறையினர் வழக்குப் பதிவு செய்து, தனிப்படை அமைத்து தீவிரத் தேடுதல் வேட்டையில் ஈடுபட்டு வருகின்றனர்.
சுற்றுவட்டாரப் பகுதிகளில் உள்ள கண்காணிப்பு கேமரா (CCTV) பதிவுகளை ஆய்வு செய்தும், பலரிடம் தீவிர விசாரணை நடத்தியும் இதுவரை எவ்விதத் துப்பும் கிடைக்கவில்லை. சிறுமியை விரைவாக மீட்க வலியுறுத்தி அப்பகுதி மக்கள் கோரிக்கை விடுத்துள்ள நிலையில், காவல்துறையினர் தேடுதல் பணியை மேலும் தீவிரப்படுத்தியுள்ளனர்.