சென்னை மாநகராட்சியில் முதலமைச்சர் விஜய் தலைமையில் நடைபெறும் ஆய்வுக் கூட்டங்கள் குறித்து தமக்கு எந்தவித முன்னறிவிப்பும் வழங்கப்படுவதில்லை என்று சென்னை மேயர் பிரியா பகிரங்கக் குற்றச்சாட்டை முன்வைத்துள்ளார். இந்தச் சம்பவம் தமிழக அரசியல் வட்டாரத்தில் பெரும் பரபரப்பை ஏற்படுத்தியுள்ளது.
சென்னை மண்டலப் பணிகளை ஆய்வு செய்ய முதலமைச்சர் நேரில் செல்லும் போது, உள்ளாட்சிப் பிரதிநிதிகளான மேயர் மற்றும் திமுக கவுன்சிலர்கள் திட்டமிட்டு புறக்கணிக்கப்படுவதாகக் கூறப்படுகிறது. மேயர் பிரியாவின் இந்த குற்றச்சாட்டைத் தொடர்ந்து, திமுக கவுன்சிலர்களும் தங்களது கடும் அதிருப்தியையும் கண்டனத்தையும் தெரிவித்து வருகின்றனர்.
ஆனால், திமுக கவுன்சிலர்களின் இந்த புகார்களைத் தமிழக வெற்றிக் கழகத்தினர் தீவிரமாக மறுத்துள்ளனர். நிர்வாக ரீதியான ஆய்வுக் கூட்டங்களுக்கு தேவையின்றி அரசியல் சாயம் பூசக் கூடாது என்று தவெக தரப்பில் தெரிவிக்கப்பட்டுள்ளது. எனினும், சென்னை மாநகராட்சியில் மேயர் பிரியா மற்றும் தவெக நிர்வாகிகளிடையே தீவிரமடைந்துள்ள இந்த மோதல் போக்கு, நகர்ப்புற அரசியலில் புதிய விவாதத்தைக் கிளப்பியுள்ளது.