கேரள மாநிலம் கொச்சியில் நடைபெற்ற கோர வாகன விபத்து அம்மாநிலத்தையே உலுக்கியுள்ளது. கொச்சி சர்வதேச விமான நிலையத்திற்குச் செல்லும் சாலையில், கடந்த அக்டோபர் 11-ஆம் தேதி அதிகாலை 1:45 மணியளவில் அதிவேகமாக வந்த சொகுசு மினி கூப்பர் கார் ஒன்று, முன்னால் சென்றுகொண்டிருந்த ஸ்கூட்டர் மீது பலமாக மோதியது.
மூழியல் என்ற இடத்தில் நிகழ்ந்த இந்த கொடூர சம்பவத்தில், காரின் வேகம் காரணமாக ஸ்கூட்டர் சுமார் 100 மீட்டர் தூரத்திற்கு இழுத்துச் செல்லப்பட்டது. இந்த கோர விபத்தில் ஸ்கூட்டரில் பயணித்த மூவரும் சம்பவ இடத்திலேயே பரிதாபமாக உயிரிழந்தனர். அதிகாலை வேளையில் நடந்த இந்த சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது.
இச்சம்பவம் குறித்து காவல்துறையினர் வழக்குப்பதிவு செய்து தீவிர விசாரணை மேற்கொண்டு வருகின்றனர். அதிவேக ஓட்டுதலே விபத்திற்குக் காரணமா அல்லது ஓட்டுநர் மதுபோதையில் இருந்தாரா என்ற கோணத்தில் விசாரணைகள் துரிதப்படுத்தப்பட்டுள்ளன. காரை ஓட்டி வந்தவர் யார் என்பது குறித்த சந்தேகங்களும், விபத்து தொடர்பான புதிய சர்ச்சைகளும் தற்போது கேரளாவில் பெரும் பரபரப்பை ஏற்படுத்தியுள்ளன.