ஜியோ நிறுவனத்தின் ரூ.30,213 கோடி மதிப்பிலான ஐபிஓ (IPO) இந்திய பங்குச்சந்தையில் புதிய சாதனை படைத்துள்ள சூழலில், ரிலையன்ஸ் குழுமத்தின் நிறுவனரான திருபாய் அம்பானி 1977-ஆம் ஆண்டு வெளியிட்ட முதல் ஐபிஓ குறித்த சுவாரசியமான தகவல்கள் மீண்டும் வெளிச்சத்திற்கு வந்துள்ளன. அன்றைய காலகட்டத்தில் இந்திய பங்குச்சந்தை என்பது பெரும் பணக்காரர்களுக்கானதாக மட்டுமே இருந்தது. அதை மாற்றி, சாமானிய மக்களையும் முதலீட்டாளர்களாக உருவெடுக்க வைத்த பெருமை திருபாய் அம்பானியையே சாரும்.
1977-இல் ரிலையன்ஸ் நிறுவனத்தின் முதல் ஐபிஓ வெளியானபோது, அதை நம்பி சுமார் 58,000 சிறு முதலீட்டாளர்கள் பங்குகளை வாங்கினர். அன்று அந்த ஐபிஓ-வில் முதலீடு செய்யப்பட்ட வெறும் ₹1,000, தொடர் போனஸ் பங்குகள் மற்றும் நிறுவனத்தின் அசுர வளர்ச்சி காரணமாக, இன்று சுமார் ₹50 லட்சம் மதிப்பிற்கு மேல் உயர்ந்துள்ளது. இந்திய சாமானிய மக்களின் சேமிப்பை பங்குச்சந்தை நோக்கித் திருப்பி, நாட்டின் பொருளாதார வரலாற்றில் ஒரு புதிய அத்தியாயத்தை இந்த ஐபிஓ தொடங்கியது குறிப்பிடத்தக்கது.