இஸ்ரேல் நாட்டில் தேர்தல் களம் சூடுபிடித்துள்ள நிலையில், பிரதமர் பெஞ்சமின் நெதன்யாகு மற்றும் எதிர்க்கட்சிகளுக்கு இடையிலான அரசியல் மோதல் உச்சக்கட்டத்தை எட்டியுள்ளது. வரவிருக்கும் தேர்தலில் எதிர்க்கட்சிகளுக்கு கத்தார் மற்றும் துருக்கி ஆகிய வெளிநாடுகள் நிதியுதவி அளிப்பதாக பிரதமர் நெதன்யாகு பரபரப்பு குற்றச்சாட்டை முன்வைத்தார்.
இக்குற்றச்சாட்டிற்கு இஸ்ரேலின் முன்னணி எதிர்க்கட்சித் தலைவரான காடி ஐசன்கோட் மற்றும் அரபு சமூகக் கட்சிகளின் தலைவர்கள் கடும் எதிர்ப்பு தெரிவித்துள்ளனர். நெதன்யாகுவின் இந்த கருத்து முற்றிலும் ஆதாரமற்றது என்றும், தேர்தலில் ஏற்படும் தோல்வி பயம் காரணமாகவே அவர் இதுபோன்ற அவதூறுகளைப் பரப்பி வருகிறார் என்றும் எதிர்க்கட்சிகள் காரசாரமாக விமர்சித்துள்ளன.
மேலும், நாட்டின் பாதுகாப்பை விடத் தனது சுய அரசியல் ஆதாயத்திற்கே நெதன்யாகு முக்கியத்துவம் அளிப்பதாகச் சாடியுள்ள எதிர்க்கட்சித் தலைவர்கள், பொய்ப் பிரச்சாரங்களை நிறுத்திவிட்டு நாட்டின் உண்மையான பிரச்சினைகளில் கவனம் செலுத்துமாறு அறிவுறுத்தியுள்ளனர். வெளிநாட்டு நிதி தொடர்பான இந்த குற்றச்சாட்டு இஸ்ரேலிய அரசியலில் பெரும் பரபரப்பை ஏற்படுத்தியுள்ளது.