வரவிருக்கும் மக்களவைத் தேர்தலை முன்னிட்டு, எதிர்க்கட்சிகளின் ‘இந்தியா’ (I.N.D.I.A) கூட்டணி சார்பில் டெல்லியில் உள்ள வரலாற்று சிறப்புமிக்க ராம்லீலா மைதானத்தில் பிரம்மாண்ட பொதுக்கூட்டம் நடைபெறுகிறது. இந்த பிரம்மாண்ட கூட்டத்தில் அகில இந்திய காங்கிரஸ் தலைவர் மல்லிகார்ஜுன கார்கே, ராகுல் காந்தி, சரத் பவார், உத்தவ் தாக்கரே, அகிலேஷ் யாதவ் மற்றும் தோழமைக் கட்சிகளின் முன்னணித் தலைவர்கள் அனைவரும் ஒரே மேடையில் பங்கேற்கின்றனர்.
டெல்லி முதல்வர் அரவிந்த் கெஜரிவால் கைது செய்யப்பட்ட விவகாரம் மற்றும் எதிர்க்கட்சிகளுக்கு எதிராக மத்திய அரசு மேற்கொண்டு வரும் நடவடிக்கைகளுக்குக் கடும் கண்டனம் தெரிவிக்கும் வகையில் இந்த பொதுக்கூட்டம் ஒருங்கிணைக்கப்பட்டுள்ளது. இதனால் தேசிய அளவில் இக்கூட்டம் பெரும் அரசியல் திருப்புமுனையாகப் பார்க்கப்படுகிறது.
பொதுக்கூட்டத்தையொட்டி அசம்பாவிதங்கள் எதுவும் நிகழாமல் தவிர்க்கும் பொருட்டு, ராம்லீலா மைதானத்தைச் சுற்றி ஆயிரக்கணக்கான காவல்துறையினரும், துணை ராணுவப் படையினரும் தீவிரப் பாதுகாப்புப் பணியில் ஈடுபடுத்தப்பட்டுள்ளனர். மேலும், டெல்லியின் முக்கியச் சாலைகளில் போக்குவரத்து மாற்றங்களும் செய்யப்பட்டுள்ளன.