இன்றைய டிஜிட்டல் யுகத்தில் ஆன்லைன் ஷாப்பிங் என்பது மக்களின் அன்றாட வாழ்வில் பிரிக்க முடியாத ஒன்றாக மாறிவிட்டது. வழக்கமாகப் பணம் செலுத்திப் பொருள்களை வாங்குவதற்குப் பதிலாக, ‘ஆர்டர் செய்யலாம், ஆனால் பொருள் வராது’ என்ற விசித்திரமான ஒரு புதிய ஷாப்பிங் கலாச்சாரம் தற்போது இந்தியர்களிடையே டிரெண்டாகி வருகிறது. வெறும் ‘திரில்’ மற்றும் சுவாரசியத்திற்காக உருவாக்கப்பட்டுள்ள ‘ஃபுட் நெவர் கம்ஸ்’ (Food Never Comes) என்ற இணையதளம் இந்த விசித்திர அனுபவத்தை மக்களுக்கு வழங்குகிறது. கடந்த ஜூன் மாதம் தொடங்கப்பட்ட இந்த இணையதளத்தை, இதுவரை 27 லட்சத்திற்கும் அதிகமானோர் பார்வையிட்டு ஆச்சரியமடைந்துள்ளனர். இதில் ஆர்டர் செய்யப்படும் உணவோ அல்லது பொருளோ கைக்கு வராது என்று தெரிந்தே, வெறும் ஆர்வக்கோளாறிலும் பொழுதுபோக்கிற்காகவும் மக்கள் இதில் பணத்தைச் செலவிட்டு வருகிறார்கள். மன அழுத்தம் மற்றும் அன்றாட சலிப்பிலிருந்து விடுபடவே இதுபோன்ற புதுமையான ஆன்லைன் போக்குகளில் இந்திய இளைஞர்கள் அதிக ஆர்வம் காட்டி வருவதாகச் சமூக வலைதளங்களில் பேசப்பட்டு வருகிறது.