ஐக்கிய நாடுகள் பொதுச் சபை கூட்டத்தொடர் என்றாலே பொதுவாக அமெரிக்கா, சீனா போன்ற உலக வல்லரசு நாடுகளின் தலைவர்களின் உரைகளே சர்வதேச ஊடகங்களின் முதன்மைச் செய்தியாக இடம்பெறும். ஆனால், இந்த முறை அனைவரின் கவனத்தையும் தன் பக்கம் ஈர்த்து ஆச்சரியப்படுத்தியுள்ளார் நேபாள பிரதமர் பாலேந்திர ஷா (பாலேன் ஷா).
ஐ.நா. பொதுச் சபையில் உரையாற்றிய பாலேன் ஷா, ‘ஏவுகணைகள் சரியான நேரத்தில் வருகின்றன’ என்று குறிப்பிட்டு, வல்லரசு நாடுகளின் இராணுவ செலவினங்களையும், உலகளாவிய அமைதி மற்றும் காலநிலை மாற்றப் பிரச்சினைகளில் அவற்றின் மெத்தனப் போக்கையும் துணிச்சலாகச் சுட்டிக்காட்டினார். சிறிய நாட்டின் தலைவராக இருந்தாலும், சர்வதேச மேடையில் அச்சமின்றி அவர் முன்வைத்த கருத்துக்கள் உலகத் தலைவர்களைச் சிந்திக்க வைத்துள்ளது.
வளர்ந்து வரும் நாடுகளின் உண்மையான நிலையை உரக்கச் சொன்ன பாலேன் ஷாவின் இந்த பேச்சுக்கு சர்வதேச ரீதியில் பெரும் ஆதரவும் பாராட்டுகளும் குவிந்து வருகின்றன. வல்லரசு நாடுகளின் ஆதிக்கத்திற்கு மத்தியில் நேபாள பிரதமரின் இந்த உரை வரலாற்றுச் சிறப்புமிக்க ஒன்றாகப் பார்க்கப்படுகிறது.