ஃப்ளைதுபை நிறுவனத்தின் FZ1073 விமானத்தில் நடந்த அசம்பாவிதத்தின் போது, இந்தியாவைச் சேர்ந்த கேப்டன் ஸ்மித் மச்சார் காட்டிய இணையற்ற தைரியம் சர்வதேச அளவில் பெரும் பாராட்டைப் பெற்று வருகிறது. விமானப் பயணத்தின் போது மர்ம நபரால கத்தியால் தாக்கப்பட்டு தீவிர காயமடைந்த போதிலும், அவர் தன் மனஉறுதியை இழக்காமல் துரிதமாகச் செயல்பட்டுள்ளார்.
கத்திக் குத்தினால் நிலைகுலைந்து மயங்கி விழுவதற்குச் சில நொடிகளுக்கு முன்பாக, கேப்டன் ஸ்மித் மிகுந்த சாதுரியத்துடன் காக்பிட் (Cockpit) கதவைத் திறந்து வைத்துள்ளார். இவரது இந்தத் துரிதமான செயலால், மற்ற விமானப் பணியாளர்கள் உடனடியாக நிலைமையைக் கட்டுக்குள் கொண்டு வர முடிந்தது. இதன் மூலம் விமானத்தில் இருந்த நூற்றுக்கணக்கான பயணிகளின் உயிர்கள் பெரும் ஆபத்திலிருந்து காப்பாற்றப்பட்டுள்ளன.
உயிருக்குப் போராடிய நிலையிலும் கடமையே கண்ணாகச் செயல்பட்ட கேப்டன் ஸ்மித்தின் வீரத்தை உலகத் தலைவர்கள் பலரும் போற்றி வருகின்றனர். அமெரிக்க அதிபர் டொனால்ட் டிரம்ப் மற்றும் இஸ்ரேல் பிரதமர் பெஞ்சமின் நெதன்யாகு உள்ளிட்ட சர்வதேசத் தலைவர்கள் அவரை ‘உண்மையான நாயகன்’ (Hero) எனப் பாராட்டியுள்ளனர். இந்திய விமானியின் இந்த தீரச் செயல் தற்போது உலகளவில் பெரும் நெகிழ்ச்சியை ஏற்படுத்தியுள்ளது.