அமெரிக்காவில் மரண தண்டனை விதிக்கப்பட்ட கிறிஸ்டா பைக் என்ற பெண் கைதிக்கு, தண்டனையை நிறைவேற்ற இரு முறை விஷ ஊசி செலுத்தப்பட்ட போதிலும் அவர் உயிர் பிழைத்துள்ளது சர்வதேச அளவில் பெரும் அதிர்ச்சியை ஏற்படுத்தியுள்ளது. தண்டனை நிறைவேற்றலின் போது ஏற்பட்ட திடீர் மருத்துவச் சிக்கல்கள் காரணமாக அவர் மரணத்தின் பிடியில் இருந்து தப்பியுள்ளார்.
விஷ ஊசி செலுத்தப்பட்டதைத் தொடர்ந்து கடுமையான உடல்நலப் பாதிப்புக்குள்ளான கிறிஸ்டா பைக், உடனடியாக சிறைச்சாலை மருத்துவமனையின் தீவிர சிகிச்சைப் பிரிவில் அனுமதிக்கப்பட்டார். தற்போது தீவிர மருத்துவக் கண்காணிப்பில் இருக்கும் அவரது உடல்நிலை தொடர்ந்து கவலைக்கிடமாகவே உள்ளதாக தீவிர சிகிச்சைப் பிரிவு மருத்துவர்கள் தெரிவித்துள்ளனர்.
ஒரே கைதிக்கு இரு முறை விஷ ஊசி செலுத்தியும் மரணம் சம்பவிக்காத இந்த அரிதான சம்பவம், அமெரிக்காவின் மரண தண்டனை நிறைவேற்றும் முறைகள் குறித்து கடும் விமர்சனங்களை எழுப்பியுள்ளது. மனித உரிமை அமைப்புகள் இந்தச் சம்பவத்திற்கு எதிர்ப்பு தெரிவித்து, சிறைத்துறை நிர்வாகத்திடம் தீவிர விசாரணை நடத்த வலியுறுத்தி வருகின்றன.