டெல்லியில் போராட்டம் நடத்தத் திட்டமிட்டிருந்த காக்ரோச் ஜனதா கட்சியைச் சேர்ந்த முக்கிய நிர்வாகிகளான அபிஜித் திப்கே, சௌரவ் தாஸ் மற்றும் அஷுதோஷ் ரங்கா ஆகியோர் காவல்துறையினரால் காவலில் எடுக்கப்பட்டுள்ள சம்பவம் பெரும் பரபரப்பை ஏற்படுத்தியுள்ளது. சனிக்கிழமையன்று டெல்லி விமான நிலையத்தில் அவர்கள் தரையிறங்கிய உடனேயே, விமானத்தில் இருந்தே காவல்துறையினர் அவர்களைக் காவலில் எடுத்ததாக காக்ரோச் ஜனதா கட்சி (CJP) தனது அதிகாரப்பூர்வ அறிக்கையில் உறுதிப்படுத்தியுள்ளது.
இதனிடையே, போராட்டம் நடத்த வழக்கமாகப் பயன்படுத்தப்படும் ஜந்தர் மந்தர் பகுதிக்கு பதிலாக, டில்லி ஹாட் பகுதிக்கு வருமாறு போராட்டக்காரர்களுக்கு நேஹா போரா அழைப்பு விடுத்துள்ளார். முக்கிய தலைவர்கள் அதிரடியாகக் காவலில் வைக்கப்பட்டுள்ள நிலையிலும், போராட்டத்தை மாற்று இடத்தில் தீவிரமாகத் தொடரத் திட்டமிட்டுள்ளதால் டெல்லி முழுவதும் பாதுகாப்பு பலப்படுத்தப்பட்டுப் பெரும் பதற்றமான சூழல் நிலவி வருகிறது.