சொத்துத் தகராறு காரணமாகச் சொந்தத் தம்பியையே கொடூரமாகக் கொலை செய்துவிட்டு, எதுவும் தெரியாதது போலச் சௌதி அரேபியாவில் இருந்து வந்ததாக நாடகமாடிய அண்ணனைப் பாகிஸ்தான் காவல்துறையினர் கைது செய்துள்ளனர்.
பாகிஸ்தானின் குஜராத் நகரில் வசித்து வந்த இரு சகோதரர்களுக்கு இடையே நீண்டநாட்களாகச் சொத்துப் பங்கீடு தொடர்பான தகராறு நிலவி வந்தது. இந்த நிலையில், தம்பி மர்மமான முறையில் கொலை செய்யப்பட்டுக் கிடந்துள்ளார். இச்செய்தி அறிந்த அண்ணன், தான் சௌதி அரேபியாவில் இருந்ததாகவும், தம்பியின் இறுதிச் சடங்கில் பங்கேற்கவே அவசரமாக நாட்டிற்குத் திரும்பியதாகவும் கூறி, அனைவரையும் நம்ப வைத்துத் துக்கத்தில் பங்கேற்றுள்ளார்.
ஆனால், கொலையாளியைக் கண்டுபிடிக்க அப்பகுதியில் உள்ள சிசிடிவி (CCTV) காட்சிகளைத் தீவிரமாக ஆய்வு செய்த காவல்துறையினருக்குப் பேரதிர்ச்சி காத்திருந்தது. கொலை நடப்பதற்கு முன்னதாகவே அண்ணன் அந்தப் பகுதியில் சுற்றித் திரிந்ததும், திட்டமிட்டுத் தம்பியைக் கொலை செய்ததும் சிசிடிவி பதிவில் அம்பலமானது. இதையடுத்து, சௌதியில் இருந்து வந்ததாக நாடகமாடிய அண்ணனைச் சிசிடிவி ஆதாரங்களை வைத்துப் போலிஸார் கைது செய்து சிறையில் அடைத்தனர்.