அமெரிக்கா - ஈரான் மோதலுக்கு மத்தியில், கச்சா எண்ணெய் விலை மீண்டும் உயர்ந்துள்ளது. கச்சா எண்ணெய் ஒரு பீப்பாய்க்கு 74 டாலர் என்ற விலையில், ஒரு சதவீத உயர்வுடன் வர்த்தகம் செய்யப்படுகிறது. அதே வேளையில், பிரெண்ட் கச்சா எண்ணெய் ஒரு பீப்பாய்க்கு 79 டாலர் என்ற விலையில் வர்த்தகம் ஆகிறது. இருப்பினும், இதன் தாக்கம் தற்போதைக்கு பெட்ரோல் மற்றும் டீசல் விலைகளில் தெரியவில்லை.நாட்டின் தலைநகரான புது தில்லியில் இன்று ஜூலை 9 பெட்ரோல் விலையில் எந்த மாற்றமும் இன்றி லிட்டருக்கு 102.12 ரூபாய்க்கு விற்பனை செய்யப்படுகிறது. அதேபோல, டீசல் விலையிலும் இன்று எந்த மாற்றமும் இல்லை. தலைநகர் தில்லியில் அது லிட்டருக்கு ரூ. 95.20 என்ற விலையில் விற்பனை செய்யப்படுகிறது.

ஜூலை 9 பெட்ரோல் விலைகள்!

தில்லி - ரூ. 102.12கொல்கத்தா - ரூ. 113.51மும்பை - ரூ. 111.21சென்னை - ரூ. 108.01ஹைதராபாத் - ரூ. 115.73பெங்களூரு - ரூ. 110.89

ஜூலை 9 டீசல் விலைகள்!

தில்லி - ரூ. 95.20கொல்கத்தா - ரூ. 99.82மும்பை - ரூ. 97.83சென்னை - ரூ. 99.66ஹைதராபாத் - ரூ. 103.82பெங்களூரு - ரூ. 98.80

தொடர் உயர்வில் கச்சா எண்ணெய் விலை!

பெட்ரோல் மற்றும் டீசல் விலைகளில் காணப்படும் இந்த நிலைத்தன்மை எவ்வளவு காலத்திற்கு நீடிக்கும் என்று கணிப்பது கடினம். உண்மையில், அமெரிக்கா - ஈரான் மோதல் கச்சா எண்ணெய் விலையில் தொடர்ச்சியான உயர்வுக்கு வழிவகுத்துள்ளது. சர்வதேச சந்தையில் நேற்று 5 சதவீதத்துக்கும் அதிகமாக உயர்ந்து 78.02 டாலரில் நிறைவடைந்த பிரெண்ட் கச்சா எண்ணெய் ஃபியூச்சர்ஸ் முந்தைய வர்த்தக அமர்வில் ஒரு பீப்பாய்க்கு 79.28 டாலர் என்ற விலையில் வர்த்தகம் செய்யப்பட்டது.அமெரிக்காவின் வெஸ்ட் டெக்சாஸ் இன்டர்மீடியட் (WTI) கச்சா எண்ணெய் ஃபியூச்சர்ஸ் இன்று 1 சதவீதம் உயர்ந்து, ஒரு பீப்பாய்க்கு 74.76 டாலர் என்ற விலையில், அதாவது 74 டாலருக்கும் அதிகமான விலையில் வர்த்தகம் செய்யப்படுகிறது. ஜூன் 6 அன்று ஒரு பீப்பாய் 68 டாலருக்கு விற்பனையான அமெரிக்காவின் 'வெஸ்ட் டெக்சாஸ் இன்டர்மீடியட்' (WTI) கச்சா எண்ணெய் எதிர்கால ஒப்பந்தங்களின் விலை, தற்போது 10 சதவீதம் உயர்ந்து 74 டாலரை எட்டியுள்ளது. இதற்கிடையில், போர் தொடர்ந்தால் கச்சா எண்ணெய் விலை ஒரு பீப்பாய்க்கு 80 டாலரை எட்டும் என்று எதிர்பார்க்கப்படுகிறது.

எண்ணெய் நிறுவனங்களின் பங்குகள் சரிவு!

கச்சா எண்ணெய் விலை உயர்ந்து வரும் நிலையில், இன்று அனைத்து எண்ணெய் நிறுவனங்களின் பங்குகளும் கடும் சரிவைச் சந்தித்தன. BPCL நிறுவனத்தின் பங்குகள் 3.31 சதவீதம் சரிந்தன. ஹிந்துஸ்தான் பெட்ரோலியம் நிறுவனத்தின் பங்குகள் 4.71 சதவீத சரிவைச் சந்தித்தன. மேலும், IOCL நிறுவனத்தின் பங்குகளும் 3.20 சதவீதம் சரிந்தன. அதிகரித்துள்ள செலவுகளை எண்ணெய் நிறுவனங்களால் நீண்ட காலத்திற்குத் தாங்கிக்கொள்ள முடியாது என்பதை இது தெளிவாகக் காட்டுகிறது. எனவே, பெட்ரோல் மற்றும் டீசல் விலைகள் எப்போது வேண்டுமானாலும் உயரலாம் என்று வல்லுநர்கள் கூறுகின்ற்னர்.