இந்திய இன்று (ஜூன் 18) காலை மந்தமான நிலையில் வர்த்தகத்தைத் தொடங்கியது. சமீபத்திய ஏற்றத்தைத் தொடர்ந்து, முதலீட்டாளர்கள் லாபத்தை முன்பதிவு செய்யத் தொடங்கியதால் சென்செக்ஸ் மற்றும் நிஃப்டி குறியீடுகள் பாதிக்கப்பட்டன. வர்த்தகத்தின் ஆரம்ப நேரத்தில், சென்செக்ஸ் மற்றும் நிஃப்டி ஆகியவை சரிவுடன் சிவப்பு நிறத்தில் வர்த்தகமாயின. குறிப்பாக தகவல் தொழில்நுட்ப துறைப் பங்குகளில் காணப்பட்ட விற்பனை அழுத்தம் சந்தையின் மீதான அழுத்தத்தை அதிகரித்தது.காலை நேர வர்த்தகத்தில் பிஎஸ்இ சென்செக்ஸ் 73.87 புள்ளிகள் அல்லது 0.10 சதவீதம் சரிந்து 77,081.75 புள்ளிகளாக இருந்தது. அதே வேளையில், என்எஸ்இ நிஃப்டி 15.80 புள்ளிகள் அல்லது 0.07 சதவீதம் சரிந்து 24,069.90 புள்ளிகளாக இருந்தது. இருப்பினும், சந்தையின் ஒட்டுமொத்த செயல்பாடு வலுவாக இருந்தது. மொத்தம் 1,621 பங்குகள் ஏற்றம் கண்டன. அதே சமயம் 661 பங்குகள் சரிவைச் சந்தித்தன. 144 பங்குகள் மாற்றமின்றி இருந்தன.

ஐடி பங்குகளால் அதிக அழுத்தம்!

சந்தையின் சரிவுக்கு தகவல் தொழில்நுட்பத் துறையே முக்கிய காரணமாக அமைந்தது. முன்னணி நிறுவனங்களின் பங்குகளில் அதிகளவிலான விற்பனை காணப்பட்டது. இன்ஃபோசிஸ் நிறுவனப் பங்குகள் 2 சதவீதத்துக்கும் அதிகமாகச் சரிந்தன. HCL டெக், TCS, டெக் மஹிந்திரா மற்றும் விப்ரோ ஆகிய நிறுவனங்களின் பங்குகளும் சரிவுடன் வர்த்தகமாயின. முதலீட்டாளர்களின் லாப முன்பதிவு மற்றும் உலகளாவிய சூழல் ஆகியவை ஐடி பங்குகளை அழுத்தத்தில் வைத்திருந்தன.இன்று சந்தையின் சரிவுக்கு ஐடி நிறுவனங்களே முக்கிய காரணமாக இருந்தன. முன்னணி ஐடி நிறுவனமான இன்ஃபோசிஸ் 2.15 சதவீத சரிவுடன் 1,133.25 ரூபாய்க்கு வர்த்தகமானது. மற்ற முக்கிய ஐடி நிறுவனங்களான HCL டெக் (1.41 % சரிவு), TCS (1.24 % சரிவு) மற்றும் டெக் மஹிந்திரா (1.16 % சரிவு) ஆகியவற்றின் பங்குகளும் அழுத்தத்தில் இருந்தன.

சரிவுக்கு மத்தியிலும் ஏற்றம் கண்ட பங்குகள்!

சந்தையில் இந்த மந்தநிலை இருந்தபோதிலும் குறிப்பிட்ட சில பங்குகளின் குறியீடு மேலும் சரிவதைத் தடுத்தன. டாடா குழுமத்தின் சில்லறை வர்த்தக நிறுவனமான ட்ரெண்ட் (Trent) இன்று 0.90 சதவீதம் என்ற சிறப்பான ஏற்றத்துடன் ரூ. 3,129.55 என்ற நிலையை எட்டி, அதிக லாபம் ஈட்டிய பங்காகத் திகழ்ந்தது. இதனுடன், பாதுகாப்புத் துறையில் தொடர்ந்து நிலவும் வலுவான சூழலால் பாரத் எலக்ட்ரானிக்ஸ் (Bharat Electronics) பங்குகளும் 0.83 சதவீதம் உயர்ந்து 423.30 ரூபாயை எட்டின. இவை தவிர, அதானி போர்ட்ஸ் (0.73 %), எல் & டி (0.72 %), இண்டிகோ (0.60 %) மற்றும் ஹெச்டிஎஃப்சி வங்கி (0.60 %) ஆகியவற்றின் பங்குகளும் லாபத்தில் பச்சை நிறக் குறியீட்டில் நீடித்தன.இன்றைய வர்த்தக இறுதியில் சென்செக்ஸ் 77,409.98 புள்ளிகளில் முடிந்தது. இது 0.33 சதவீத வளர்ச்சியாகும். இன்று 254 புள்ளிகள் உயர்ந்துள்ளது. அதேபோல, தேசிய பங்குச் சந்தை குறியீட்டு எண் நிஃப்டி 50 இன்று 82.30 புள்ளிகள் உயர்வுடன் 24,168 புள்ளிகளில் முடிவுற்றது.